WAYANG PURWÅ

WAYANG PURWÅ

Wayang dumadi såkå têmbung wod “yang/hyang” kang antuk atêr-atêr wa-. Déné têgêsé wayang yaiku roh kang dipêpudhi amargå pinêrcåyå roh kang biså gawé béjå-cilakané manungså. Wayang iku wêwayangan utåwå gêgambaran watak lan jiwané manungså. Wayang mujudaké pangéjawantah pribadi manungså.

            Wayang iku salah sijining wujud sêni pêrtunjukan kang ikon critané såkå : Ramayana, Mahabharata, utåwå Sêrat Ménak, sing akèh diwêruhi ånå ing Jåwå lan Bali. Sêni pêrtunjukan wayang iki diiringi déning gamêlan. Wayang wis diakoni déning UNESCO, yaiku kAryå  cipta kang éndah lan nyêngsêmaké såkå critané, wayangané, lan dadi warisan kang bangêt agungé. Pangêsahané ing tanggal 7 Novèmbêr 2003. Ing antarané jinising wayang yaiku :

1.        Wayang Purwå

Wayang purwå ugå kasêbut wayang kulit amargå digawé såkå kulit lêmbu/maéså/sapi. Sumbêring caritå såkå Ramahayana lan Mahabharata kanthi båså Jåwå Kunå ånå ing jaman Raja Jayabaya. Êmpu Sêdah lan Êmpu Panuluh sartå Êmpu Kanwa kuwi pujånggå kang misuwur ing jaman iku. Sunan Kalijågå salah sawijining walingåså (Dêmak, abab XV), yaiku priyayi kang ngriptå wayang såkå kulit lêmbu.

2.        Wayang Golèk

Wayang golèk ugå akèh wong sing ngarani wayang têngul. Wayang iki digawé såkå kayu lan diklambèni kayåtå manungså. Sumbêring caritå kajupuk såkå sêjarah kåyåtå critå Untung Suropati, Batavia, Sultan Agung, Bantên, Trunåjåyå, lan sapanungalané. Critå wayang iki ugå biså kajupuk såkå dongèng nêgårå Arab. Yèn péntas kang dadi ciri khasé wayang golèk, yaiku ora nganggo kêlir utåwå layar kåyåtå wayang kulit.

3.        Wayang Krucil

Wayang krucil utåwå wayang klitik, yaiku wayang kang digawé såkå kayu, kang wujudé pådhå karo wayang kulit. Wayang iki nduwèni ciri khas, yaiku yèn diatanggap ora nganggo gêdhêbog tancêpané nanging nganggo kayu kang wus dibolong-bolongi, caritå kang kêrêp ditanggêp, yaiku nyaritakaké Damarwulan lan Måjåpait.

4.        Wayang Bèbèr

Wayang bèbèr, yaiku wayang kang digawé såkå kain utåwå kulit lêmbu kang awujud bèbèran (lêmbaran). Sabên bèbèran kuwi nggambaraké saadêgan caritå. Yèn wis rampung dilakokaké, bèbèrané digulung manèh. Wayang iki digawé jaman krajaan Måjåpait. Wayang iki asalé såkå Pacitan lan Gunung Kidul. Wayang iki digawé kanthi kuwat ing bab rong dimensin-é kanthi sêni lukis ing kanvas. Wong-wong kang nglêstarèkaké wayang iki, yaiku : Musyafiq kanthi nggawé wayang bèbèr kang narasiné parågå-parågå wayang, Suhartono kanthi luwih nyiptakaké figur wayang kang coraké dekoratif lan ornamentik, Agus Nuryanto nggawé wayang bèbèr kanthi såkå wujud wayang purwå banjur diabstraksi såkå realitas uripé manungså ing sabên dinané.

5.        Wayang Gêdog

Wayang iki wujudé mèh pådhå karo wayang kulit. Kang digawé kurang luwih taun 1400-an. Sumbêring caritå såkå caritå råjå ing Jåwå, antarané Bantên, Singåsari, Mataram, Kêdiri, lan sapanunggalané. Wayang iki mung biså ditêmokaké ana museum.

6.        Wayang Suluh

Wayang suluh iki kalêbu wayang moderen, kang digawé såkå kulit nanging wujudé manungså jaman saiki sandhangané kåyåtå nganggo rok, clånå, klambi, lan sapanunggalané. Wayang iki nduwèni tujuan/maksud pencerah masarakat. Sumbêring caritå, yaiku perjuangan rakyat Indonésia mêrangi pênjajah.

7.        Wayang Titi

Wayang titi, yaiku wayang såkå lan sumbêring caritå såkå nêgårå Cinå. Wayang iki biså ditingali ånå tanggapan ing kampung Cinå utåwå klêntèng.

8.        Wayang Madyå

Wayang madyå diciptakaké déning K.G. Mangkunêgårå IV ing awal taun XVII. Sumbêring caritå såkå caritå Pandhåwå sawisé pêrang Baråtåyudå, kåyåtå Prabu Parikêsit.

9.        Wayang Wahyu

Wayang wahyu ugå disêbut “wayang bibêl” iki diciptaké déning Bruder Temotheos kanggo nyiaraké agåmå Kristên.

10.    Wayang Wong

Wayang wong, yaiku wayang kang diparagaké wong kang ånå gêrakan tariné. Sumbêring caritå såkå Ramayana lan Mahabarata. Paguyupan kang misuwur kanthi pagêlaran wayang iki yaiku Ngêsti Pandhåwå (Sêmarang), lan Sriwêdari (Suråkårtå).

11.    Wayang Potèhi

Wayang kang awujud bonéka cilik-cilik. Critané mångså jaman kraton Tar-tar utåwå Babad Cinå. Thio Tiong Gie yaiku salah sawijining dhalang wayang potèhi ing Sêmarang Têngah kang mangggon ing Déså Pêsantrèn, Kêlurahan Purwodinatan. Dhéwéké nduwèni prinsip pariabasan Cinå Tiongkok kang dadi sêmangaté kanggo nglêstarikaké wayang potèhi iki yaiku: “Tak ada kuda, sapi pun bisa ditunggangi.”

12.    Wayang Ménak

Wayang såkå kayu kang digawé pêrsis (kawangun) wong. Critané yaiku bab dakwah Islam kåyåtå : Wong Agung Jayèngrana, Imaryånå, lan Umarpadi.

13.    Wayang Jêmblung

Wayang såkå kayu kang digawé pêrsis (kawangun) wong. Wayang iki sumêbar ånå ing daérah pêsisir lor, Blora, lan Cêpu. Critané bab Cacad kåyå kêthoprak.

14.    Wayang Kancil

Wayang iki ugå diarani “Wayang Dupårå”. Wayang sing digawé såkå lulang. Critané sèriné Kancil.

15.    Wayang Dhongèng

Wayang kang digawé såkå dluwang kang digambari wayang awujud kéwan-kéwan. Wayang iki nyritakaké bab donyané kéwan kang dadi sarånå refleksi såkå donyané manungså. Ånå wayang iki disarujuki ora ånå sing dadi dhalang kang lumrahé tunggal dadi sakabèhing parågå ånå wayang. Banjur såpå waé biså dadi dhalang, kang biså prasåjå gunêmané.

16.    Wayang Doa

Wayang iki klêbu wayang kreasi anyar sing digawé déning Riyono alumi ISI Yogyakarta. Wayang iki digawé awit taun 1990. Sanyatané wayang iki såkå akronimé Dongèng-dongèng Anak banjur dadi Doa. Sakabèhané wayang kang dadi lakon satriyå kuwi nganggo sorban. Nganti têkan taun 2009 Riyono wis nggawé wayang iki nganti sêwidak wujud iji.

Yèn didêlêng kanthi prasåjå, lakon wayang kapérang dadi loro: pakêm lan carangan.

1.        Pakêm

            Lakon pakêm dijupuk såkå critå-critå kang ånå ing kitab-kitab kunå, kåyåtå: Kakawin Mahabharata, Kakawin Ramayana, Puståkå Råjå Purwå, lan Purwåkåndhå. Ing antarané critå-critå pakêm iku:

a.         Balé Sigala-gala.                                                 

b.         Pandhåwå Dhadhu.

c.         Bharatayudha.

d.        Råmå Gandrung.

e.         Subali Lénå.

f.          Anoman Dhutå.

2.        Lakon Carangan

            Lakon carangan iku njupuk såkå critå pakêm kang dikanthêni tambahan critå liyané. Såkå critå carangan iki banjur akèh gagrag-gagrag kang tansah bédå. Parågå-parågå ing wayang ugå dadi tambah akèh. Nanging ånå kalané gawé bingung, amargå biså waé lakoné pådhå nanging critané dadi bédå. Critå-critå carangan iku ing antarané:

Ø  Babad Alas Mêrtani Ø  Partåkråmå Ø  Aji Nåråntåkå Ø  Abimanyu Lahir Ø  Pêksi Déwåtå Ø  Gambiranom Ø  Sêmar Mantu Ø  Bambang Sitijåyå Ø  Aswåtåmå Maling Ø  Thongthongborong Ø  Srikandhi Mandung Ø  Dånåsalirå Ø  Lairé Pandhu Ø  Lairé Dåsåmukå

Ø  Lairé Indrajit Ø  Bêdhah Lokåpålå Ø  Tutugipun Lampahan Wilugånggå Ø  Gathotkåcå Gandrung Ø  Antasénå Rabi Ø  Ugråsénå Tåpå Ø  Sêmbadrå Larung Ø  Krêsnå Kêmbang Ø  Narayånå Maling Putri Ø  Sri Boyong Ø  Bandung Någå Séwu Ø  Pandhåwå Manêgês

Ø  Sêmar Manêgês Ø  Partå Déwå Ø  Wahyu Topèng Wåjå Ø  Wahyu Widayat Ø  Sêmar Kuning Ø  Råmå Tambak Ø  Anoman Swargå Ø  Déwå Ruci Ø  Bimå Bungkus Ø  Gatutkåcå Sungging Ø  Sudåmålå Ø  Sumantri Ngèngèr Ø  Wahyu Makuthåråmå

Saliyané lakon pakêm lan carangan, ugå ånå lakon sêmpalan lan banjaran. Lakon iki wus ngalami owah-owahan amargå manut ubahing jaman.

1.        Sêmpalan

Lakon sêmpalan iku lakon sing wis dadi lakon gubahan, bédå karo asliné amargå disaluyokaké déning gagrag anyar kåyå lakon-lakon wayang mbêling utåwå lakoné anggitané Ki Harsono Siswocarito:

a.       Nurkålå Kalimåntrå Gawé Gègèr Surålåyå.

b.      Prof. Dr. Bimåtånåyåtåtwå.

c.       Gitådårmå Dr. Mintårågå.

2.        Banjaran

Lakon banjaran iku sawijining lakon wayang purwå sing nyaritakaké lêlakuning parågå (tokoh) wayang wiwit lair nganti sédå (kåyå biografi sing kagawé balada). Lakon Banjaran dikênalaké déning Alm. Ki Nartosabdo. Sanadyan lakon iku dåwå lan ginêlar sawêngi natas, ananging ora ngilangi bakuning pagêlaran wayang purwå. Kawiwitan såkå talu, jêjêr I, kaputrèn, limbukan, bodholan, pêrang gagal, jêjêr II, pêrang kêmbang, gårå-gårå, jêjêr III, pêrang bubruh nganti tancêp kayon.

a.       Banjaran Karnå

b.      Banjaran Abimanyu

c.       Banjaran Gathutkåcå

d.      Nåråsomå (Banjaran Salyå)

e.       Banjaran Karnå

f.       Banjaran Bismå

A.      Kawruh Padhalangan

Pêdhalangan yaiku têtêmbungan utåwå bab kang magêpokan karo critå wayang.

Kåyåtå :

åntåwécånå	:	kêdaling swårå siji-siji ning wayang sing diucapaké dhalang.
bléncong	:	lampu kanggo madhangi kêlir/layar lan wayang.
cêmpålå	:	kayu måwå pênthol kanggo nggêdhong kothak.
dhalang	:	wong kang nglakokaké critå wayang.
gamêlan	:	piranti kang ditabuh kanggo ngiringi critå wayang.
gårå-gårå	:	pérangané critå wayang mêtuné punakawan (Sêmar, Garèng, Pètruk, Bagong).
gérong/wiråswårå	:	wong lanang sing nêmbang sinambi nabuh gamêlan.
gunungan	:	wayang awujud gunung, dilakokaké nalikå wiwit, nganti adêgan lan pagêlaran pungkasan.
janturan	:	nyåndrå, nggambaraké wataking wayang utåwå kahanan.
jêjêr	:	madêg critå, nggambaraké bab sing bakal dicritakaké.
kêlir/layar	:	lawon putih kanggo mbabar critå wayang.
kêprak	:	wêsi blébékan, diunèkaké ing sikiling dhalang nalikå wayang.
niyågå	:	tukang/wong sing nabuh gamêlan.
parwå	:	péranganing Mahabarata kang cacahé ånå 18 critå.
pêrang brubuh	:	pêrang pungkasan antrané satriyå lan rasêkså, sirnaning angkårå.

B.       Wêwatakaning Wayang

Abimanyu	wataké	alus, sarèh micarané, sênêng ngalah.
Arjunå=Janåkå	wataké	micårå, grapyak, alus, solah bawané sarèh.
Anoman	wataké	trênggginas solahé, wibåwå, galak, sugih akal.
Bålådéwå	wataké	brangasan, wani, kêndêl tumindak.
Banowati	wataké	trênggginas, wicarané judhas, golèk mênangé dhéwé.
Cakil	wataké	julig, galak, sorå wicarané kasar lan nylêkit, solah bawané kurang dêdugå.
Dåsåmukå	wataké	julig, galak, sorå wicarané, angkårå murkå.
Durnå	wataké	pintêr omong, micårå nylêkit, julig.
Duryudånå	wataké	anggak, galak, angkårå, akèh wicårå.
Gathutkåcå	wataké	wani, trampil, kêncêng wicarané.
Karnå	wataké	ladak, nêpson, kêndêl, bantêr wicarané.
Kumbåkarnå	wataké	ngalah, alon wicarané.
Krêsnå = Wisnu	wataké	wicaksånå, wibåwå, ladak, akèh wicarané.
Laksåmånå = Lêsmånå	wataké	akèh wicarané, bêrbudi luhur.
Nakulå Sadéwå	wataké	akèh wicarané, grapyak, kêndêl.
Puntådéwå = Yudistirå	wataké	wicaksånå, sabar, alus, bêrbudi luhur.
Råmå Wijåyå	wataké	wicaksånå, sabar, alus, bêrbudi luhur.
Sêmar = Bathårå Ismåyå	wataké	wicaksånå, sabar, ngêmong.
Sêmbådrå	wataké	alus, wicarané, ruruh pasêmoné.
Srikandhi	wataké	trêngginas, mbranyak pasêmoné, akèh wicarané.
Sumantri	wataké	mrêbawani, sumanak, kêndêl.
Wêrkudårå	wataké	ora sabaran, wicarané sêro, nêpson, ora gêlêm ngalah, brantak.

C.      Araning Aji-aji, Jimat

Bålå Sréwu	:	Prabu Salyå
Blabag Pangantol-antol	:	Radèn Wêrkudårå
Bråjådhéntå	:	Radèn Gathutkåcå
Bråjåmusti	:	Radèn Gathutkåcå
Cåndråbiråwå	:	Prabu Salyå
Gêdhongméngå	:	Kumbåkarnå
Gêlapsakêthi	:	Kumbåkarnå
Jamus Kalimåsådå	:	Prabu Yudhistirå (Puntådéwå)
Kåcå Paèsan	:	Prabu Krêsnå
Kêmbang Wijåyåkusumå	:	Prabu Krêsnå
Kotang Åntråkusumå	:	Radèn Gathutkåcå
Mundri	:	Anoman
Narantåkå	:	Radèn Gathutkåcå
Pancåsonå	:	Prabu Dåsåmukå (Rahwånå)
Séipi Angin	:	Radèn Janåkå, Anoman
Ungkal Bênêr	:	Radèn Wêrkudårå

D.      Dayaning Aji-aji, Jimat

Aji-aji iku bangsané måntrå, dongå manåwå diucapaké biså ngêtokaké dåyå kaluwihan.

Bålå Srèwu/Tri Wikråmå	:	malih butå gêdhéné sagunung.
Blabag Pangantol-antol	:	ora pasah ing gêgaman.
Cåndrå Biråwå	:	malih butå akèh bangêt.
Gêlap Sakêthi	:	swarané sorå kåyå blêdèg, kanggo nggêthak musuh.
Jamus Kalimåsådå	:	biså gawé têntrêm.
Kåcå Paésan	:	biså ndêlêng samubarang kang adoh, ilang.
Kêmbang Wijåyåkusumå	:	nambani lårå, nguripaké wong mati sing durung mangsané.
Kotang Åntråkusumå	:	biså mabur.
Lêbur Sakêthi	:	åpå kang digarang lêbur dadi awu.
Mundri	:	boboté dadi têkêl séwu.
Narantåkå	:	åpå kang digrayang lêbur dadi awu.
Påncåsonå	:	yèn mati, ngambah lêmah biså urip manèh.
Pêngasihan		ditrêsnani såpå waé.
Panglimunan		biså ngilang.
Séipi Angin	:	biså mlayu kåyå angin.
Sirêp Bégånåndå	:	biså ngilang.

E.       Araning Gêgaman

Arjunå/Janåkå	gêgaman	Panah Pasopati, Panah Sarotåmå, Kêris Kålånadhah, Kêris Pulanggêni, Kêris Ardhådhêdhali, Aryå Sangkali.
Bålådéwå	gêgaman	Gådå Alugårå, Tumbak Nanggålå.
Basukarnå	gêgaman	Pêdhang Cåndråså.
Déwåbråtå	gêgaman	Kêris Salukat.
Durnå	gêgaman	Kêris Cundhamanik.
Dursåsånå	gêgaman	Kêris Barlå.
Gathutkåcå	gêgaman	Caping Basunåndå, Kutang Åntåkusumå.
Indrajid	gêgaman	Panah Nåpå Påså, Nårå Cåbålå.
Jåyådråtå	gêgaman	Gådå Rujak Bêling.
Krêsnå	gêgaman	Sênjåtå Cakrå.
Lêsmånå	gêgaman	Kêris Surå Wijåyå.
Råmåwijåyå	gêgaman	Kêris Guwå Wijåyå.
Sêtyaki	gêgaman	Gådå Wêsi Kuning.
Wêrkudårå	gêgaman	Gådå Rujak Pålå, Kuku Påncånåkå, Bågåwastrå.

F.       Pandhitå lan Pêrtapan

Bêgawan Abiyåså	ing	Saptåargå
Bêgawan Ciptahêning	ing	Mintårågå
Bêgawan Mintårågå	ing	Indrakila
Bêgawan Padmånåbå	ing	Argåsonyå
Bêgawan Sidikwåsånå	ing	Andongsumawi
Pandhitå Durnå	ing	Sokålimå
Rêsi Anoman	ing	Kêndhalisådå
Rêsi Bismå	ing	Talkåndhå
Rêsi Pålåsårå	ing	Wukir Ratowu
Rêsi Subali	ing	Guwå Kiskêndhå

G.      Ratu lan Nêgarané

Ratu nduwèni sêsêbutan Prabu utåwå Sang Prabu, Aji, Råjå lan sapanunggalané.

Abiyåså	ratu ing	Ngastinå
Arjunå Sasrabahu	ratu ing	Maèspati
Bålådéwå	ratu ing	Mandurå
Basukarnå (Karnå)	ratu ing	Ngawånggå
Basudéwå	ratu ing	Mandurå
Bomånåråkasurå	ratu ing	Trajutrisnå
Dånåråjå	ratu ing	Lokåpålå
Dåsåmukå	ratu ing	Ngalêngkå
Dåsåråtå	ratu ing	Ngayodyå
Déwå Srani	ratu ing	Rancang Kêncånå
Drupådå	ratu ing	Cêmpålå Radyå
Duryudånå	ratu ing	Ngastinå
Janåkå	ratu ing	Manthili
Jungkur Mardéyå	ratu ing	Paranggubårjå
Karnå	ratu ing	Ngawanggå
Krêsnå	ratu ing	Dwåråwati
Matswåpati	ratu ing	Ngawanggå
Niwåtåkawåcå	ratu ing	Imå Imantåkå
Palgunadi	ratu ing	Paranggêlung
Pandhu Déwånåtå	ratu ing	Ngastinå
Parikêsit	ratu ing	Ngastinå
Puntadéwå	ratu ing	Ngamartå
Råmåwijåyå	ratu ing	Påncåwati
Salyå	ratu ing	Mandåråkå
Sêntanu	ratu ing	Ngastinå
Sugriwå	ratu ing	Guwåkiskêndhå
Sutéjå	ratu ing	Trajutrisnå
Suyudånå	ratu ing	Ngastinå
Somali	ratu ing	Palêbur Gångså

H.      Satriyå lan Kasatriyåné

Satriyå nduwé sêsêbutan Radèn, Rahadyan.

Abimanyu	satriyå ing	Plångkåwati
Åntårêjå	satriyå ing	Jangkarbumi
Åntåsénå	satriyå ing	Saptå Barunå
Arjunå	satriyå ing	Madukårå
Aswåtåmå	satriyå ing	Sokålimå
Bimåsénå	satriyå ing	Jodhipati
Bambang Priyambådå	satriyå ing	Dêdêr Pênyu
Drêstå Jumênå	satriyå ing	Cêmpålå Radyå
Dursåsånå	satriyå ing	Banjar Jumput
Gathutkåcå	satriyå ing	Pringgodani
Gunawan Wibisånå	satriyå ing	Singgêlapurå
Janåkå	satriyå ing	Madukårå
Jåyådråtå	satriyå ing	Bånåkêling
Kakråsånå	satriyå ing	Widhårå Kandhang
Kumbåkarnå	satriyå ing	Panglêbur Gångså
Lêsmånå Måndrå Kumårå	satriyå ing	Sarojå Binangun
Nakulå	satriyå ing	Bumi Rêtawu
Nåråyånå	satriyå ing	Widrå Kandhang
Sadéwå	satriyå ing	Sawojajar
Såmbå	satriyå ing	Parang Garudhå
Sêtyaki	satriyå ing	Tambak Mas
Sêngkuni/Suman	satriyå ing	Plåsåjênar
Sumantri	satriyå ing	Jatisårå (Maèspati)
Wêrkudårå	satriyå ing	Jodhipati
Wisanggêni	satriyå ing	Dursilå Gêni

I.         Abdi Kinasih

Bêgawan Abiyåså	:	Cantrik Jånålokå
Pandhåwå	:	Punakawan (Sêmar, Garèng, Pétruk, Bagong)
Suyudånå (Kuråwå)	:	Cangik, Limbuk
ratu Sabrang	:	Togog Mbilung

J.    DÉWÅ LAN KAHYANGANÉ

Bathårå Éndrå	ing kahyangan	Éndrå Lokå
Bathårå Bråmå	ing kahyangan	Argå Dahånå
Bathårå Kåmåjåyå	ing kahyangan	Cåkrå Kêmbang
Bathårå Wisnu	ing kahyangan	Arilokå
Bathårå Yåmå	ing kahyangan	Yomani Lokå
Bathari Durgå	ing kahyangan	Sétrå Gåndå Mayit
Sang Hyang Åntåbogå	ing kahyangan	Såptå Pråtålå
Sang Hyang Bathårå Guru	ing kahyangan	Junggring Salokå
Sang Hyang Någåråjå	ing kahyangan	Sumur Jålåtundhå
Sang Hyang Wênang	ing kahyangan	Ngandar-andir Båwånå

K. DÅSÅNÅMÅ JÊNÊNG ING PAWAYANGAN

Abimanyu	:	Pangaribåwå, Bambang Pêngalasan, Ångkå Wijåyå, Partå Tånåyå, Palgunå Putrå, Tanjung Anom, Satriyå Plangkåwati.
Anoman	:	Anjani Putrå, Kapiwårå, Pêwåndåpingul, Wånå Sétå, Sênggånå, Råmå Handåyåpati.
Bathårå Guru	:	Girinåtå, Sang Hyang Jagad Nåtå, Pukulun Pramésthi, Ciwå Måhå Déwå.
Dåsåmukå	:	Rahwånå
Duryudånå	:	Kurupati, Suyudånå, Dastrådmåjå, Gêndari Sutå, Jåkåpitånå, Tri Panangsah, Pambangun Kuru, Kuréndrå Pati.
Gathutkåcå	:	Purbåyå, Kåcå Nêgårå, Têtukå, Kêrincing Wêsi, Bimå Sutå, Rimbat Måjå, Arimbi Putrå.
Krêsnå	:	Nåyårånå, Padmånåbå, Wrêniwirå, Ari Murti, Wisnu Murti, Wasu Déwå Putrå, Nåråsingå.
Puntådéwå	:	Yudhistirå, Wijåkångkå, Gunåtali, Kråmå, Åjåtå Satru.
Radèn Janåkå	:	Arjunå, Prêmadi, Margånå, Pamadyå, Dananjåyå, Mintårågå, Ciptahêning, Prabu Kariti, Kêndhitatnålå, Palgunå, Kombang Ali-Ali, Jlamprong, Éndrå Putrå, Éndrå Tanåyå, Wijånarka.
Radèn Wêrkudårå	:	Bayu Sétå, Bayu Putrå, Aryå Panênggak, Bråtåsénå, Bimå, Jagal Bilåwå, Wijåsénå.
Sêmar	:	Ismåyå, Bådrånåyå, Nayantåkå, Sukmå Sêjati, Sukmå Ékålåyå.

L.  SÅRÅSILAH TURUNANING BARÅTÅ

Prabu Sêntanu        + Déwi Gangga, pêputrå radèn Déwåbråtå (Rêsi Bismå)

Rêsi Pålåsårå          + Durgandini, pêputrå Abiyåså

Prabu Sêntanu        + Durgandini, pêputrå Citrågådå + Wicitråwiryå